სერვის პრო

ჩვენი საინჟინრო გუნდი, რომელიც ამჟამად შპს „სერვის პრო“–ს სახელით ფუნქციონირებს, ჩამოყალიბებულია 1996 წელს. იგი ერთ-ერთი პირველთაგანი იყო თბოტექნიკური საშუალებების, ვენტილაციის, კონდიცირებისა და წყალ-კანალიზაციის სისტემების იმპორტის, რეალიზაციის, მონტაჟისა და სერვისის მხრივ.

გავლილი წლების მანძილზე იმპორტირებული და საქართველოს ტერიტორიაზე დამონტაჟებულია სხვადასხვა მოცულობისა და 18კვტ/სთ–დან 1000კვტ/სთ–მდე სიმძლავრის ცენტრალური და ავტონომიური გათბობის სისტემები, ასევე სხვადასხვა ტიპის, მოცულობისა და სიმძლავრის სავენტილაციო და ჰაერის კონდიცირების სისტემები. ათასობით კერძო სახლი და ბინა, 20-ზე მეტი კლინიკა და საავადმყოფო, მრავალი დიდი და მცირე სასტუმრო აღჭურვილია გათბობის, ვენტილაციის, ჰაერის კონდიცირების, ცხელი და ცივი წყლით მომარაგების სისტემებით.

ამავე პერიოდში შესრულებულია საწარმოო ფართებისა და ოფისების თბოუზრუნველყოფის, ცივი და ცხელი წყლით მომარაგების, ვენტილაციის და ჰაერის კონდიცირების, სამაცივრე სისტემების, ინდუსტრიული დანიშნულების მაღალი წარმადობის ორთქლის ქვაბების - 500 – 1000 – 3000კვტ/სთ, ორთქლის სადგურების, ორთქლის გამანაწილებელი ქსელების, ორთქლის სისტემების ავტომატური მართვისა და კონტროლის სისტემების მოწოდების, მონტაჟის და სერვისის პროექტები. ინდუსტრიული ცხელი წყლის მომზადებისა და საქვაბეების, ინდუსტრიული თერმო კამერებისა და მაღალჰიგიენური ზონების მოწყობის პროექტები.